22-Mar-2022 مزاحیہ پیروڈی
پیروڈی
کبھی سائرہ نے کوٹا کبھی طاہرہ نے مارا
رہا گردشوں میں ہردم مرے عشق کا ستارا
نئی منزلوں کی مجھ کو رہی جستجو ہمیشہ
کبھی چار بیویوں سے نہ ہوا مرا گزارہ
کیا عقد جس سے میں نے ہوئی وہ خدا کو پیاری
ہوئیں آٹھ شادیاں پر میں ہوں آج تک کنوارا
نئی بیوی جب بھی آئی کئی بچے ساتھ لائی
کسی اہلیہ سے مجھ کو نہ ہوا کبھی خسارہ
یہ عرب کے لوگ کیسے کرتے ہیں ملٹی میرج
کیا ایک اہلیہ نے تنگ قافیہ ہمارا
کبھی یہ مجھے دلا دو کبھی وہ مجھے کھلا دو
نہ کہو مجھے بچارہ میں ہوں بیویوں کا چارہ
مجھے آج تک ملا کیا محبوب بیویوں میں
ہوئیں بار بار شادی ہوا عشق کیا دوبارہ
وہی چاند جیسی صورت دل میں بسی ہے اب تک
ہوئیں چار شادیاں پر ہوا عشق کیا دوبارہ
احمد علوی
